19 лютага ў абласной бібліятэцы імя У.І.Леніна, сумесна з Магілёўскім абласным аддзяленнем ГА «Саюз пісьменнікаў Беларусі», адбыўся літаратурны марафон «З табой маё слова, Радзіма» да Міжнароднага дня роднай мовы. Сярод удзельнікаў свята мовы былі і навучэнцы нашага каледжа.
У прывітальным слове член Саюза пісьменнікаў Беларусі, прарэктар па выхаваўчай рабоце УА “Магілеўскі дзяржаўны універсітэт імя А.А.Куляшова” Уладзімір Ясеў, акцэнтаваў увагу на неабходнасць захавання беларускай мовы і нацыянальнай патрыятычнай свядомасці. Маладыя пакаленні беларусаў павінны памятаць і ведаць свае культурныя вытокі духоўнай каштоўнасці і скарбніцы беларускай культуры. Ен прачытў уластныя вершы.
Прысутныя з задавальненнем паслухалі вершы на беларускай мове ў выкананні членаў Саюза пісьменнікаў Беларусі: ганаровага грамаздяніна Быхаўскага района Мікалая Леўчанкі, Лаурэата нацыянальнай літаратурнай прэміі – 2024 года Віктара Кунцэвіча, Валянціы Габрусевай, Вольгі Бяловай, Леаніда Іскрова, Алены Беланожка, дзіцячай пісьменніцы Жанны Усцінавай (Міус), Алены Кісель, паэтаў і пісьменнікаў літаратурнага аб’яднання “Ветэран” пры Магілёўскім гарадскім Савеце ветэранаў.
Прадоўжылі літаратурны марафон навучэнцы каледжа. У выкананні Ангеліны Кузьмянковай, Яўгеніі Куксінай, Марыі Гапончык, Анастасіі Шлынавай, прагучалі вершы такіх беларускіх паэтаў як: Петрусь Броўка, Максім Танк і Міхай Крыж.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта.

Бібліятэкар - Л.М.Філіпава